IIV Sirdaryo akademik litseyida tashkil etilgan o‘quv markazida tahsil olayotgan navbatdagi bir guruh iqtidorli o‘quvchilar ingliz tilidan milliy sertifikat sohibi bo‘lishdi.
Mazkur yutuq o‘quvchilarning bilim olishga bo‘lgan intilishi, muntazam harakatlari va fidokorona mehnatining natijasidir. Ularga bilim bergan va tayyorgarlik jarayonida yaqindan ko‘maklashgan ustozlari — “Tillar” kafedrasining ingliz tili o‘qituvchisi Jamol Tursunboyevning hissasi katta bo‘ldi.
Sertifikat egalari o‘z oldilariga yanada yuqori maqsadlarni qo‘yib, kelgusida xalqaro darajadagi imtihonlarda ham ishtirok etishni rejalashtirmoqda.
O‘quvchilarni ushbu yutuq bilan qutlab, ularga kelajakdagi ilm yo‘lida ulkan muvaffaqiyatlar tilaymiz!
