Joriy yilning 28-mart kuni IIV Sirdaryo akademik litseyi o‘quvchilari Sirdaryo viloyati Ichki ishlar boshqarmasi huzurida tashkil etilgan muzey, kutubxona hamda Motamsaro ona haykalini ziyorat qilish maqsadida ekskursiyada ishtirok etishdi.
Tashrif davomida o‘quvchilar Ichki ishlar tizimining tarixiy rivojlanishi, xizmat burchini bajarish chog‘ida halok bo‘lgan fidoyi xodimlarning hayoti va faoliyati, shuningdek, milliy xavfsizlik va tinchlik yo‘lida olib borilgan ishlar haqida ma’lumotga ega bo‘lishdi. Muzey eksponatlari, arxiv hujjatlari va tarixiy materiallar yoshlar uchun katta qiziqish uyg‘otdi.
Shuningdek, kutubxona bilan tanishish jarayonida o‘quvchilar huquqiy, badiiy va ilmiy adabiyotlar bilan tanishib, kitob mutolaasining ahamiyati haqida fikr almashishdi. Ekskursiyaning yakuniy qismida esa Motamsaro ona haykali ziyorat qilinib, Vatan tinchligi yo‘lida jon fido qilgan qahramonlar xotirasi yod etildi.
Bu kabi ma’naviy-ma’rifiy tadbirlar o‘quvchilarning tarixiy xotira, vatanparvarlik va huquqiy bilimlarini mustahkamlashga xizmat qiladi.
