“O‘zbekiston – 2030” strategiyasi doirasida amalga oshirilayotgan “Yashil makon” umummilliy loyihasi ekologik barqarorlikni ta’minlash va yashil hududlarni kengaytirishga qaratilgan yirik tashabbuslardan biri hisoblanadi. Ushbu loyihada har yili 200 million tup daraxt ekish orqali mamlakatimizda yashillik darajasini 30 foizga yetkazish, shuningdek, ekilgan daraxtlarning parvarishi va sug‘orish tizimini tashkil etish rejalashtirilgan.
IIV Sirdaryo akademik litseyi jamoasi ham mazkur tashabbusda faol ishtirok etib kelmoqda. Joriy yilning 28-mart sanasida litsey rahbariyati, xodimlari va o‘quvchilari tomonidan reja asosida 700 tup tut va 55 tup mevali daraxt ko‘chatlari ekildi.
Ekilgan ko‘chatlarning har biri “Yashil makon” platformasi orqali ro‘yxatga olinib, ularning parvarishiga mas’ul shaxslar biriktirildi.
