IIV akadamik litseyi

🏅 Joriy yilning 21-oktyabrdan 25-oktyabr kuniga qadar O‘zbekiston Respublikasi Ichki ishlar organlari xodimlari kuni munosabati bilan IIV Sirdaryo akademik litseyida bo’lib o’tadigan sport musobaqalariga start berildi.

⚽️ Tadbir doirasida futbol, voleybol va stol tennisi kabi sport turlari bo‘yicha bellashuvlar boshlandi. Musobaqalar Ichki ishlar organlari xodimlari kunini munosib nishonlash, sog‘lom turmush tarzini targ‘ib qilish va yoshlar orasida sportga bo‘lgan qiziqishni oshirish maqsadida tashkil etildi.

💪 Tadbirni ochib berar ekan, tashkilotchilar sport inson salomatligi va jamoaviylik ruhini mustahkamlashdagi muhim omil ekanini ta’kidlab o‘tishdi.

🏆 Musobaqalar davomida ishtirokchilar o‘zaro do‘stlik, hamjihatlik va sog‘lom raqobat muhitida kuch sinashadi. G‘olib jamoalar 25-oktabr sanasida taqdirlanishi rejalashtirilgan.