Joriy yilning 6-oktyabr sanasida IIV Sirdaryo akademik litseyida “Tillar” kafedrasi mudiri Malika Mansurova tomonidan ona tili va adabiyot fanidan bo‘lib o‘tadigan milliy sertifikat imtihoniga tayyorgarlik ko‘rayotgan o‘quvchilar ishtirokida sinov imtihoni o‘tkazildi.
📌 Tadbirning asosiy maqsadi — o‘quvchilarning bilim darajasini aniqlash, ularning imtihon jarayoniga tayyorgarlik holatini baholash hamda kamchiliklarni bartaraf etish yo‘nalishlarini belgilashdan iborat bo‘ldi.
✅ Sinov davomida o‘quvchilar ona tili va adabiyot fanining nazariy hamda amaliy jihatlari bo‘yicha test topshiriqlarini bajarishdi. Natijalar tahlili ularning o‘zlashtirish darajasini ko‘rsatib, kelgusi darslarda o‘quv jarayonini yanada takomillashtirishga xizmat qiladi.
Bunday sinov imtihonlari o‘quvchilarning mas’uliyatini oshirish hamda ularni milliy sertifikat imtihoniga puxta tayyorlanishida muhim ahamiyat kasb etadi.