Joriy yilning 1-aprel sanasida “Tillar” kafedrasining katta o‘qituvchisi Nasiba Mamatkulova tomonidan ona tili va adabiyot fanidan milliy sertifikatga tayyorgarlik ko‘rayotgan o‘quvchilardan sinov imtihoni olindi.
Imtihon doirasida o‘quvchilar “Bugun globallashuv zamonida ko‘plab insonlar o‘zlarini baxtli his qilgan joyni vatan tutib yashamoqdalar, ayrimlar esa inson o‘z kindik qoni to‘kilgan zamindagina baxtli deb hisoblaydi” mavzusida esse yozdilar.
Mazkur sinov o‘quvchilarning yozma savodxonligini baholash, ularning tayyorgarlik darajasini aniqlash va uchrayotgan kamchiliklarni bartaraf etish maqsadida tashkil etildi. Bu kabi nazorat imtihonlari o‘quvchilarning bilimini mustahkamlash va milliy sertifikat imtihoniga ishonch bilan tayyorgarlik ko‘rishlariga yordam beradi.
