Yurtimizda yoshlarni jismoniy tarbiya va sportga jalb qilish, ularning sog‘lom va har tomonlama barkamol bo‘lib ulg‘ayishini ta’minlash davlat siyosatining ustuvor yo‘nalishlaridan biridir. Sport bilan muntazam shug‘ullanish nafaqat jismoniy chiniqishga, balki intizom, iroda va yetakchilik kabi fazilatlarning shakllanishiga ham xizmat qiladi.
IIV Sirdaryo akademik litseyida sport musobaqalarida yutuqqa erishgan iqtidorli o‘quvchilarni taqdirlash marosimi bo‘lib o‘tdi.
Marosimda sport musobaqalarida yuqori natijaga erishgan iqtidorli yoshlarimizning mashaqqatli mehnati alohida e’tirof etildi. G‘olib va sovrindorlarga faxriy yorliqlar, diplomlar hamda medallar topshirildi.
