IIV Sirdaryo akademik litseyida “Bitiruvchi o‘quvchi yoshlarni kasbga yo‘naltirishning samarali psixologik metod va usullari” mavzusida psixologik trening bo‘lib o‘tdi. Tadbirning asosiy maqsadi – o‘quvchilarga turli kasb turlari haqida ma’lumot berish, ularning bilim va salohiyatidan kelib chiqib, to‘g‘ri kasb tanlashiga yo‘naltirishdan iborat bo‘ldi.
Psixologik trening qiziqarli va interaktiv tarzda o‘tdi. O‘quvchilar mavzu bo‘yicha psixologik testlarni yechib, o‘z qiziqishlari va qobiliyatlarini aniqlashdi. Shuningdek, kasb tanlashda muhim bo‘lgan shaxsiy fazilatlar va mehnat bozoridagi talablar haqida muhim tavsiyalar berildi.
Trening davomida o‘quvchilar o‘zini anglash va kelajakda to‘g‘ri kasb tanlashda yordam beradigan motivatsion psixologik o‘yinlarda ham faol ishtirok etishdi. Bu kabi tadbirlar yoshlarning kelajak rejalari borasida aniq maqsad qo‘yishiga va o‘z kasbiy yo‘nalishini to‘g‘ri tanlashiga katta yordam beradi.
