IIV Sirdaryo akademik litseyida tashkil etilgan o‘quv markazi o‘quvchilaridan yana bir ajoyib natija. Markazda tahsil olayotgan bir guruh iqtidorli o‘quvchilar tarix fanidan milliy sertifikat sohibi bo‘lishdi.
Bu yutuq o‘quvchilarning tarix faniga bo‘lgan qiziqishi, intilishi va tinimsiz mehnati natijasidir. Ularning bilim olish jarayonida “Ijtimoiy va gumanitar fanlar” kafedrasi tarix o‘qituvchilari katta hissa qo‘shib, o‘quvchilarga samarali ta’lim berdilar hamda imtihonga puxta tayyorgarlik ko‘rishlariga yordam berdilar.
Sertifikat egalari kelajakda tarix fani bo‘yicha yanada yuqori cho‘qqilarni zabt etish, oliy ta’lim muassasalariga muvaffaqiyatli tayyorlanish va o‘z bilimlarini rivojlantirish niyatida.
O‘quvchilarni ushbu yutuqlari bilan qutlab, ularga ilm yo‘lida ulkan zafarlar tilaymiz!
