O‘zbekiston Respublikasi Ichki ishlar vazirining 2024-yil, 25-iyun kunidagi 345-sonli buyrug‘i ijrosini ta’minlash maqsadida Sayhunobod tumanidagi 34-umumta’lim maktabda IIV Sirdaryo akademik litseyi “Tillar” kafedrasi o‘qituvchilari O.Rahmonov va D.Ergashovalar tomonidan maktab o‘quvchilari uchun “Xorijiy tillarni o’rgatish va sertifikatga tayyorlash ” masalasi yuzasida davra suhbati tashkil etildi.
Suhbat davomida xorijiy tillarning bugungi kundagi o’rni va ahamiyati, til bilish darajasini bilish to’g’risidagi sertifikatning ahamiyati qay daraja ekanligi, shuningdek, sertifikat olgan o’quvchilarga imtihonda maksimal ball berilishi xususida so‘z yuritildi.
Tashrif davomida, shuningdek, maktabning bitiruvchi sinf o’quvchilariga litseyda tashkil etilgan o’quv markaz haqida ma’lumotlar berilib, bu yerda tashkil etilgan to’garaklar, xususan, sertifikatga tayyorlash bo’yicha ma’lumotlar berildi va o‘quvchilar o’zlarini qiziqtirgan savollarga javob olishdi.
