Joriy yilning 18-mart sanasida “Tillar” kafedrasi mudiri, filologiya fanlari bo‘yicha falsafa doktori (PhD) Mansurova Malika tomonidan ona tili va adabiyot fanidan milliy sertifikatga tayyorgarlik ko‘rayotgan o‘quvchilardan sinov imtihoni olindi.
Mazkur sinov imtihoni o‘quvchilarning bilim darajasini baholash, ularning tayyorgarlik jarayonida uchrayotgan kamchiliklarini aniqlash hamda keyingi bosqichlarda yanada samarali tayyorgarlik ko‘rishlari uchun muhim ahamiyat kasb etdi. Imtihon jarayonida o‘quvchilar til va adabiyotga oid nazariy bilimlari, amaliy ko‘nikmalari va savol-javoblardagi faol ishtiroki orqali o‘z bilimlarini namoyish etdilar.
Tadbir yakunida Mansurova Malika tomonidan o‘quvchilarga zarur tavsiyalar berilib, kelgusida milliy sertifikat imtihonlarida muvaffaqiyatga erishishlari uchun doimiy izlanish va muntazam mashq qilish muhimligi ta’kidlandi.
