IIV Sirdaryo akademik litseyida “Huquqiy va ijtimoiy-gumanitar fanlar” kafedrasi o‘qituvchisi B.Qahhorov tomonidan “Missiyonerlik – yoshlar kelajagiga tahdid” mavzusida 207-guruh o‘quvchilari uchun ochiq dars tashkil etildi.
Dars davomida o‘quvchilar mavzu bo‘yicha keng tushuncha olishdi. O‘qituvchi yakka va guruh shaklida ishlash orqali o‘quvchilarni dars jarayoniga faol jalb qildi.
Mavzu asosida ikki guruhga bo‘lingan holda interfaol usullar qo‘llanildi. O‘quvchilar uy vazifasini namunali tarzda topshirib, yangi mavzuga doir yangi atamalar va tushunchalar bilan tanishishdi. Ularning yozuvdagi xatolari tezkor tahlil qilinib, o‘z vaqtida tuzatildi.
Dars yakunida mavzuni mustahkamlash maqsadida “Aql charxi”, “Tezkor savol-javob” va “Charxpalak” metodlari qo‘llanilib, o‘quvchilar o‘z bilimlarini yana bir bor mustahkamlab olishdi.