Ona zamin va tabiatga mehr-muhabbat, saxovat va muruvvat, bunyodkorlik va oliyjanoblik kabi xalqimizga xos ezgu fazilatlar eng qadimiy bayramimiz bo‘lgan Navro‘z timsolida asrlar davomida ulug‘lanib, sayqal topib kelmoqda.
Kuni kecha litseyimizda milliy qadriyatlarimiz va an’analarimizni ulug‘laydigan Navro‘z bayramiga bag‘ishlangan tantanali tadbir bo‘lib o‘tdi.
Bayram dasturida o‘quvchilar jonli ijroda milliy qo‘shiqlar kuylab, jo‘shqin raqslar ijro etib, barchaga ko‘tarinki kayfiyat ulashdi. Shuningdek, sahna ko‘rinishlari orqali Navro‘zning insonlar hayotidagi o‘rni va ahamiyati yorqin namoyon etildi.
Tadbir yakunida doshqozonda qaynagan sumalak ochilib, barcha ishtirokchilarga tarqatildi. Ushbu bahoriy bayram do‘stlik, mehr-oqibat va yangilanish timsoli sifatida yana bir bor qalblarga iliqlik baxsh etdi.
