IIV Sirdaryo akademik litseyida har juma – “Milliy liboslar kuni”!
IIV Sirdaryo akademik litseyida milliylikni keng targ‘ib qilish maqsadida yangi tashabbus yo‘lga qo‘yildi. Endilikda har juma kuni litsey pedagog-o‘qituvchilari va xodimlari milliy libosda ishga kelishadi.
Bu an’ana milliy qadriyatlarimizni keng targ‘ib qilish, urf-odatlarimizni saqlashga qaratilgan. Litsey jamoasi ushbu tashabbus orqali yosh avlodda milliy iftixor tuyg‘usini oshirish, madaniy merosimizni asrab-avaylash va uni keng ommaga yetkazishni maqsad qilgan.
Milliy liboslar o‘ziga xos uslub va nafislik, o‘zbek xalqining boy tarixi va madaniyatini aks ettiradi.
Mazkur tashabbus litsey jamoasi tomonidan iliq kutib olindi. Bu bilan milliylik va zamonaviylik uyg‘unligini saqlagan holda, ta’lim maskanining o‘ziga xos an’anasi yaratilmoqda.
