Joriy yilning 5-mart kuni IIV Sirdaryo akademik litseyida “Sport – sog’lom xalq, sog‘lom jamiyatning
tayanchi va ustunidir” shiori ostida o‘tkazilgan “5 000 qadam” yurish marafoni va sport musobaqalari, shuningdek, “Ajdodlarga munosib vorisman” tanlovi g‘oliblarini taqdirlash marosimi bo‘lib o‘tdi.
Futbol, voleybol, shaxmat-shashka, stol tennisi va arqon tortish bahslarida yuqori natijalarga erishgan o‘quvchilarga diplom hamda esdalik sovg‘alari topshirildi. Shuningdek, fevral oyida o‘tkazilgan “Ajdodlarga munosib vorisman” tanlovi sovrindorlari ham munosib taqdirlandilar.
Ushbu tadbirlar yoshlarning sport va bilimga bo‘lgan qiziqishini oshirish, jismonan va ma’nan yetuk avlodni tarbiyalashga qaratilgan bo‘lib, litseyda sog‘lom va faol muhitni shakllantirishda muhim ahamiyat kasb etadi.
