Joriy yilning 4-mart kuni IIV Sirdaryo akademik litseyida matematika fanidan Milliy sertifikat imtihoniga tayyorgarlik ko‘rayotgan o‘quvchilar uchun sinov testi tashkil etildi. Unda litseyning I va II bosqich o‘quvchilari ishtirok etib, o‘z bilimlarini sinovdan o‘tkazish imkoniyatiga ega bo‘lishdi.
Matematika fanidan navbatdagi Milliy sertifikat test sinovlari 4-may kuni bo‘lib o‘tadi. Ushbu sinov testi o‘quvchilarning bilim darajasini baholash, kamchiliklarini aniqlash hamda imtihonga yanada puxta tayyorgarlik ko‘rishlari uchun muhim ahamiyat kasb etadi.
