IIV Sirdaryo akademik litseyida 1-mart — O‘zbekiston xalq shoirasi Zulfiya tavalludining 110 yilligi munosabati bilan adabiy-ma’rifiy tadbir tashkil etildi.
Tadbir davomida shoira hayoti va ijodi yodga olinib, o‘quvchilar tomonidan uning she’rlari o‘qildi, buyuk ajdodlarimiz obrazlarini jonlantirgan sahna ko‘rinishlari namoyish etildi. Tomoshabinlar tariximizda chuqur iz qoldirgan jasoratli ayollar – Tomaris, Ubaysiy, Nodira, Barchinoy qiyofasini gavdalantirgan ijrolarni katta qiziqish bilan tomosha qilishdi.
Tadbir doirasida 101, 103 va 106-guruhlar o‘rtasida adabiy bellashuv o‘tkazildi. O‘quvchilar bilimdonligi, tahliliy fikrlash va ijodiy mahorati bo‘yicha bahs olib borishdi. 101-guruh eng yaxshi natijani qayd etib, g‘oliblikni qo‘lga kiritdi.
Tadbirni o‘tkazishdan maqsad — yoshlarning adabiyotga qiziqishini oshirish, milliy merosimizni chuqurroq anglash va ulug‘ ajdodlarimiz xotirasini e’zozlashga xizmat qiladi.
