Joriy yilning 27-fevral sanasida IIV Sirdaryo akademik litseyida litsey oʻquvchilarining OTMlarga tayyorgarlik darajasini aniqlash maqsadida navbatdagi aprobatsion test sinovlari oʻtkazildi.
Sinovlarning ochiq, shaffof va adolatli oʻtishini taʼminlash uchun barcha sharoitlar yaratildi.
Eslatib o’tamiz, IIV Sirdaryo akademik litseyida sinov testlari har oy o’tkazilishi belgilangan bo’lib, bu esa o’z navbatida oʻquvchilarning bilim darajasini doimiy ravishda nazorat qilish va ularning tayyorgarlik darajasini monitoring qilishga xizmat qiladi.
Ushbu tizim, o‘quvchilarni o‘zlarining kuchli va zaif tomonlarini aniqlash imkoniyati bilan ta’minlaydi va kelgusida oliy taʼlim muassasalariga kirishda kerakli bilim va ko‘nikmalarni egallashlariga yordam beradi.
