IIV Sirdaryo akademik litsey Huquqiy va ijtimoiy-gumanitar fanlar kafedrasi o‘qituvchisi N.Xolmurzayev tomonidan Sirdaryo tumani 8-maktabda “O‘zbekistonning jahon hamjamiyatidagi o‘rni” mavzusida mahorat darsi o‘tkazildi.
Mamlakatimizda amalga oshirilayotgan o’zgarishlarning mohiyatini yetkazish, o’quvchilarning huquqiy ongini oshirish, faol fuqarolik pozitsiyasiga ega bo’lish, Vatanga sadoqat bilan xizmat qiladigan yoshlarni tarbiyalash mashg’ulotning asosiy maqsadi qilib belgilandi.
Mashg’ulot davomida tinchlikni mustahkamlash va xavfsizlikni taʼminlash, Markaziy Osiyo mintaqasida barqarorlik va xavfsizlikni taʼminlash, jahon xavfsizligi tizimini takomillashtirish, qo’shni mamlakatlar bilan do’stona munosabatlar va o’zaro manfaatli hamkorlikni yanada mustahkamlash mazmunida ma’lumotlar berildi.
