Joriy yilning 18-fevral kuni IIV Sirdaryo akademik litseyida yuqori natijalarga erishgan iqtidorli o‘quvchilarni taqdirlash marosimi bo‘lib o‘tdi.
Tadbirda Zakovat intellektual o‘yini, shaxmat va shashka musobaqalari hamda futbol bellashuvlarida g‘oliblikni qo‘lga kiritgan o‘quvchilar taqdirlandi. Shuningdek, sportda alohida muvaffaqiyatlarga erishgan yoshlar ham e’tirof etildi.
Taqdirlash jarayonida g‘oliblarga diplom va esdalik sovg‘alari topshirilib, ularning bilim va sportdagi yutuqlari yuksak baholandi. Litsey rahbariyati o‘quvchilarning erishgan natijalari ularning fidoyiligi va intilishlarining natijasi ekanini ta’kidlab, ularga kelgusi musobaqalarda ham muvaffaqiyatlar tiladi.
