Joriy yilning 3-fevral sanasida “Tillar” kafedrasi mudiri Malika Mansurova tomonidan 2-bosqich 203- va 204-guruh o‘quvchilari o‘rtasida Ichki Ishlar Vazirligi (IIV) Akademiyasida o‘qish istagida bo‘lgan nomzodlardan “Farzandning ona oldidagi vazifasi” mavzusida olingan bayon natijalari e’lon qilindi.
Mazkur tadbirning asosiy maqsadi – o‘quvchilarning fikrlash qobiliyatini rivojlantirish, yozma nutq madaniyatini shakllantirish va kelgusida IIV Akademiyasiga tayyorgarlik ko‘rish darajasini baholashdan iborat bo‘ldi.
Bayon topshiriqlarini baholashda o‘quvchilarning mavzuni to‘liq yoritish darajasi, fikrning mantiqiy izchilligi va grammatik savodxonligi asosiy mezon sifatida olindi. Malika Mansurovaning ta’kidlashicha, ishtirokchilarning aksariyati mavzuni chuqur tushunib, ona haqi va farzandlik burchi borasida o‘z fikrlarini aniq va asosli bayon etganlar.
