Guliston davlat universiteti Psixologiya va ijtimoiy fanlar fakulteti “Tarix” kafedrasi katta o‘qituvchilari Mutalif Isroilov va Sherzod Ma’rufovlar tomonidan O‘zbekiston Respublikasi IIV Sirdaryo akademik litseyi II bosqich o‘quvchilari uchun “Zamonaviy xalqaro targ‘ibot va unda O‘zbekistonning o‘rni” mavzusida davra suhbati o‘tkazildi.
Tadbir davomida mutaxassislar xalqaro targ‘ibotning mohiyati, uning zamonaviy tendensiyalari hamda O‘zbekistonning globallashuv sharoitidagi o‘rni haqida ma’lumot berishdi. O‘quvchilar mavzuga oid savollar bilan faol ishtirok etib, ekspertlar bilan fikr almashishdi.
Davra suhbati o‘quvchilarning tarixiy va siyosiy bilimlarini yanada boyitish, tahliliy fikrlash ko‘nikmalarini rivojlantirishga xizmat qildi.
