Joriy yilning 14-fevral kuni IIV Sirdaryo akademik litseyida buyuk sarkarda, shoir va davlat arbobi Zahiriddin Muhammad Bobur tavalludining 542 yilligiga bag‘ishlangan adabiy-ma’rifiy tadbir bo‘lib o‘tdi.
Tadbir davomida litsey o‘quvchilari Bobur ruboiylaridan namunalar o‘qishdi. Shuningdek, Boburning hayoti va ijodi asosida sahna ko‘rinishi namoyish etilib, unda shoirning orzulari, tarixiy faoliyati va vatanparvarlik g‘oyalari aks ettirildi.
Tadbir badiiy chiqishlarga ham boy bo‘ldi. Litseyimizning iste’dodli o‘quvchilari ijrosida milliy kuy-qo‘shiqlar yangrab, raqslar ijro etildi. Bunday jonli chiqishlar tadbirga o‘ziga xos fayz bag‘ishlab, ishtirokchilarga unutilmas taassurot qoldirdi.
Tadbir yakunida Boburning ijodiy merosi, uning o‘zbek adabiyoti va jahon madaniyatidagi o‘rni, shuningdek, shoir g‘azallarida aks etgan hayotiy hikmatlar muhokama qilindi.
