Joriy yilning 20-23-fevral kunlari “JAR” sport-sog‘lomlashtirish majmuasida bo‘lib o‘tadigan jangovar ko‘rgazmali chiqish musobaqasi doirasida IIV Sirdaryo akademik litseyi o‘quvchilari uchun maxsus o‘quv-mashg‘ulot yig‘inlariga start berildi.
Ushbu mashg‘ulotlar o‘quvchilarning jangovar tayyorgarligini oshirish, jismoniy va ruhiy mustahkamligini shakllantirish, shuningdek, amaliy jang san’atlari bo‘yicha mahoratini oshirishga qaratilgan. Treninglar davomida ishtirokchilarga jangovar harakatlarning texnik va taktik jihatlari, jamoaviy ishlash ko‘nikmalari hamda musobaqa sharoitida o‘zini to‘g‘ri boshqarish bo‘yicha yo‘riqnomalar beriladi.
Mazkur musobaqa o‘quvchilarning nafaqat jismoniy tayyorgarligini sinovdan o‘tkazish, balki ularning qat’iyati, iroda kuchi va jamoaviy birdamligini mustahkamlash uchun muhim maydon bo‘lib xizmat qiladi.
