Yurtimizda yoshlarning chet tillariga qiziqishi yildan-yilga ortib bormoqda. Xalqaro va milliy sertifikatlarni qo‘lga kiritayotgan yoshlar soni ko‘paygani buning yaqqol isbotidir.
Joriy yilning 1-fevral kuni IIV Sirdaryo akademik litseyining “Tillar” kafedrasi ingliz tili o‘qituvchilari tomonidan litsey o‘quvchilarining chet tilini o‘zlashtirish hamda xalqaro va milliy sertifikat olishga tayyorgarlik darajasini baholash maqsadida maxsus sinov imtihoni (mock exam) tashkil qilindi.
Mazkur imtihon haqiqiy xalqaro sertifikat imtihonlariga mos sharoitda o‘tkazilib, unda o‘quvchilarning ingliz tilida tinglab tushunish, o‘qish va yozish ko‘nikmalari sinovdan o‘tkazildi. O‘quvchilarimiz o‘zlarining kuchli va zaif tomonlarini ko‘rib chiqib, kelgusidagi imtihonlarga yanada ishonchliroq tayyorlanish imkoniga ega bo‘ldilar.
