Joriy yilning 3-fevral kuni IIV Sirdaryo akademik litseyining 2-bosqich 203- va 204-guruh o‘quvchilari uchun yozma savodxonlikni oshirishga qaratilgan amaliy mashg‘ulot o‘tkazildi.
Mashg‘ulot davomida o‘quvchilarga bayon yozishning asosiy qoidalari tushuntirilib, matn mazmunini to‘g‘ri ifodalash, mantiqiy izchillikni saqlash va imloviy xatolardan qochish bo‘yicha tavsiyalar berildi.
Shuningdek, o‘quvchilarga o‘z fikrlarini aniq va tushunarli shaklda ifodalash ko‘nikmalarini shakllantirish maqsadida “Farzandning ona oldidagi vazifasi” mavzusida bayon yozdirildi.
Bunday mashg‘ulotlar nafaqat yozma nutqni rivojlantirish, balki mantiqiy fikrlash qobiliyatini mustahkamlashga ham xizmat qiladi. Ayniqsa, Ichki ishlar vazirligi Akademiyasiga kirish uchun tayyorgarlik ko‘rayotgan yoshlar uchun bu mashg‘ulotlar muhim ahamiyat kasb etadi.
