Joriy yilning 31-yanvar kuni Yangiyer shahar 3-IDUMda IIV Sirdaryo akademik litseyi “Huquqiy va ijtimoiy-gumanitar fanlar” kafedrasi o‘qituvchisi Sh.Husanov tomonidan “Iste’molchilar huquqlari” mavzusida mahorat darsi o‘tkazildi.
Dars davomida o‘quvchilarga iste’molchilarning asosiy huquqlari, mahsulot va xizmatlarning xavfsizligi, yetkazilgan moddiy va ma’naviy zararning qoplanishi, huquqlar buzilganda sud va boshqa vakolatli organlarga murojaat etish tartibi haqida tushunchalar berildi.
O‘quvchilar o‘zlarini qiziqtirgan savollariga javob olishdi, real hayotda uchraydigan vaziyatlar misolida huquqiy himoya tamoyillari tushuntirildi. Bunday mahorat darslari yoshlarning huquqiy bilim va madaniyatini oshirishga, iste’molchi sifatida o‘z huquqlarini anglashiga hamda hayotiy ko‘nikmalarni shakllantirishga xizmat qiladi.
