Joriy yilning 29-yanvar sanasida IIV Akademiyasi kadrlar bo‘limi mas’ul xodimlari – podpolkovnik F.K.Andamuratov va mayor F.T.Toshevlar IIV Sirdaryo akademik litseyining bitiruvchi o‘quvchilari bilan uchrashuv o‘tkazdilar.
Tadbir davomida o‘quvchilarga IIV Akademiyasiga kirish tartiblari, imtihon jarayonlari hamda ta’lim muassasasida yaratilgan shart-sharoitlar haqida batafsil ma’lumot berildi. Shuningdek, kelgusida Akademiyaga o‘qishga kirish istagida bo‘lgan o‘quvchilarga tegishli tavsiyalar berilib, ularning qiziqtirgan savollariga javob qaytarildi.
Targ‘ibot tadbiri doirasida o‘quvchilarimizning erishgan yutuqlari ham e’tirof etildi. Jumladan, milliy va xalqaro sertifikatlarga ega bo‘lgan, sport musobaqalarida yuqori natijalarga erishgan va o‘qishdagi muvaffaqiyatlari bilan ajralib turgan o‘quvchilar rag‘batlantirildi.
Ushbu tadbir o‘quvchilarning kelgusidagi ta’lim yo‘nalishini tanlashida muhim ahamiyat kasb etadi.
