Joriy yilning 28-yanvar kuni Ichki ishlar vazirligi Sirdaryo akademik litseyida “Tillar” kafedrasi tomonidan ona tili va adabiyot fani bo’yicha milliy sertifikat imtihoniga tayyorgarlik maqsadida sinov imtihoni bo‘lib o‘tdi. Unda litseyning I va II bosqich o‘quvchilari ishtirok etishdi.
Sinov imtihoni o‘quvchilarga haqiqiy milliy sertifikat imtihoni muhitini his qilish, savollarga belgilangan vaqt ichida to‘g‘ri javob berish ko‘nikmasini shakllantirish hamda qat’iy tartib asosida tayyorgarlik ko‘rish imkoniyatini yaratdi.
Ushbu tashabbus kelajakda o‘quvchilarning bilimini yanada mustahkamlash, ularga real imtihon sharoitida o‘zini sinab ko‘rish imkoniyatini berish va natijada milliy sertifikat imtihonidan yuqori natijalar qayd etishlariga zamin yaratadi.
Shunday sinov imtihonlarining muntazam o‘tkazilishi o‘quvchilarning bilim va ko‘nikmalarini yanada rivojlantirishga xizmat qiladi.
