Litseyda IIV Akademiyasi kursantlari bilan uchrashuv o‘tkazildi.
Uchrashuvning asosiy maqsadi – Ichki ishlar vazirligi Akademiyasida ta’lim olish, hujjat topshirish va qabul jarayonlarining o‘ziga xos jihatlarini yoritish hamda kelajakda ushbu yo‘nalishda o‘qishga kirishni istagan o‘quvchilarga amaliy maslahatlar berishdan iborat edi.
Kursantlar akademiyadagi shart-sharoitlar, o‘quv jarayoni, maxsus tayyorgarlik dasturlari va imtihonlardan muvaffaqiyatli o‘tish uchun zarur bo‘lgan bilim va ko‘nikmalar haqida so‘zlab berdilar.
Shuningdek, IIV Akademiyasida o‘qish uchun talab etiladigan jismoniy va intellektual tayyorgarlik darajasining ahamiyatiga ham to‘xtalib o‘tildi.
Uchrashuv yakunida litsey o‘quvchilari kursantlarga o‘zlarini qiziqtirgan savollar bilan murojaat qilish imkoniga ega bo‘ldilar.
