Joriy yilning 21-yanvar kuni IIV Sirdaryo akademik litseyida O‘zbekiston Respublikasi IIV Malaka oshirish instituti o‘qituvchilari, falsafa fanlari doktori, podpolkovnik G‘ozibekov To‘lqin Xabibullayevich hamda institut katta o‘qituvchisi, podpolkovnik Nazarov Ilhombek Alimovichlar ishtirokida ma’rifiy davra suhbati o‘tkazildi.
Tadbir mamlakatimizda amalga oshirilayotgan islohotlar, milliy mafkura, diniy e’tiqod, davlat va din munosabatlari, yoshlarning mafkuraviy immunitetini shakllantirish masalalariga bag‘ishlandi. Uchrashuv davomida quyidagi mavzular bo‘yicha qizg‘in muhokamalar bo‘lib o‘tdi:
▪️ “Hozirgi zamon va dinlararo muloqot”;
▪️ “Ogohlikni men qanday his etaman?”;
▪️ “Men terrorizm xavfini qanday tushunaman?”
Mazkur tadbir o‘quvchilarning dunyoqarashini kengaytirish, zamonaviy xavf-xatarlarni chuqur anglash hamda ularda vatanparvarlik va hushyorlik tuyg‘usini mustahkamlashga qaratildi.
