Bugungi kunda yurtimizda chet tillarini o‘rganishga bo‘lgan e’tibor sezilarli darajada ortib bormoqda. Prezidentimiz tashabbusi bilan amalga oshirilayotgan ta’lim islohotlari natijasida o‘quvchilarning xorijiy tillarni o‘rganish darajasi yuqori bosqichga ko‘tarilmoqda.
Dekabr oyida bo‘lib o‘tgan chet tilini bilish darajasini aniqlash imtihonida IIV Sirdaryo akademik litseyining bir guruh iqtidorli o‘quvchilari muvaffaqiyatli ishtirok etib, yuksak natijalarni qo‘lga kiritdilar.
O‘quvchilarimiz Maxkamov Asilbek, Mesheryakov Daniil, Baxromov Xasanbek, Islomov Ikromjon, Anorqulov Og‘abek, Xazratqulov Shohruh va Saydiyev Davronlar ingliz tilini bilish darajasini tasdiqlovchi milliy sertifikat sohibi bo‘ldilar.
👏 Mazkur yutuq o‘quvchilarning mehnati va ilmiy salohiyatining yorqin natijasidir. O‘quvchilarimizni ushbu natijalar bilan samimiy muborakbod etamiz hamda kelgusi imtihonlarda ham muvaffaqiyatlar tilaymiz!