Joriy yilning 24-yanvar sanasida IIV Sirdaryo akademik litseyining 101-guruh o‘quvchilari uchun “Tillar” kafedrasi boshlig‘i, filologiya fanlari bo‘yicha falsafa doktori (PhD) Mansurova Malika tomonidan “Saddi Iskandariy” mavzusida noan’anaviy dars tashkil etildi.
Mazkur mashg‘ulot davomida evristik, suhbat va aqliy hujum kabi zamonaviy metodlar qo‘llanilib, o‘quvchilar yangi bilimlarni o‘zlashtirish bilan birga ilgari o‘rganilgan mavzularni takrorlash imkoniga ega bo‘lishdi. Interaktiv yondashuv darsni qizg‘in va samarali o‘tishini ta’minladi.
Bu kabi darslar nafaqat o‘quvchilarning adabiyotga bo‘lgan qiziqishini oshiradi, balki ularni milliy sertifikatga tayyorlashda ham muhim ahamiyat kasb etadi. O‘quvchilar darsdan mamnun ekanliklarini bildirib, bunday mashg‘ulotlarning davomiy o‘tkazilishi istagini bildirdilar.
