Joriy yilning 16-yanvar kuni “14-yanvar – Vatan himoyachilari kuni” munosabati bilan Sirdaryo viloyati 71-yordamchi maktab-internatida “Vatan himoyasi muqaddas burch” mavzusida bayram tadbiri tashkil etildi.
Tadbirda O‘zbekiston Respublikasi IIV Sirdaryo akademik litseyi “Aniq va tabiiy fanlar” kafedrasi o‘qituvchisi Ashurov A. boshchiligidagi litseyimizning “Vatanparvar” jamoasi o‘z chiqishlari bilan qatnashib, bayram dasturiga o‘zgacha ko‘tarinkilik bag‘ishladilar.
Mamlakatimizda har yili 14-yanvar kuni Vatan himoyachilari kuniga bag‘ishlangan turli tadbirlar, musobaqalar va davra suhbatlari o‘tkazilib, yurtimiz tinchligi va osoyishtaligini ta’minlayotgan harbiylarimiz mukofotlanadi.
Bunday tadbirlar yoshlar qalbida vatanparvarlik va harbiylarga nisbatan hurmat tuyg‘ularini shakllantirib, ularni jismonan va aqlan yetuk shaxslar bo‘lib voyaga yetishlariga xizmat qiladi.