Shu yilning 16-yanvar sanasida, IIV Sirdaryo akademik litseyi faollar zalida xotin-qizlar o‘rtasida huquqbuzarlik va jinoyatlarning oldini olish, oilaviy nizolarni bartaraf etish, shuningdek, probatsiya va profilaktika ro‘yxatidagi xotin-qizlarni sog‘lom turmush tarziga qaytarish hamda jamiyatda o‘z o‘rinlarini topishlariga ko‘maklashish maqsadida seminar-trening tashkil etildi.
Mazkur tadbirda Sirdaryo viloyati IIB boshqarmasi, Sirdaryo tuman Oila va xotin-qizlar bo‘limi, Sirdaryo tuman IIB, tuman “Oqila ayollar” harakati a’zolari hamda xotin-qizlar faollari ishtirok etishdi. Seminar davomida oilaviy nizolarni kamaytirish va xotin-qizlar huquqlarini himoya qilish bo‘yicha samarali yechimlar muhokama qilindi.
