IIV Sirdaryo akademik litseyi o‘quvchilari “14-yanvar — Vatan himoyachilari kuni” munosabati bilan isteʼfodagi polkovnik Ergash Abduqodirovning xonadoniga tashrif buyurdilar. Tashrif davomida o‘quvchilar ustozning uy-muzeyini ziyorat qilib, uning uzoq yillik xizmatidagi yutuqlar va Vatan himoyasi yo‘lida qilgan mehnatlari bilan yaqindan tanishdilar.
Suhbat davomida, yosh avlod tarbiyasida ustozlarning o‘rni beqiyos ekanligi alohida taʼkidlab o‘tildi. Ustozlarning boy tajribasi va qimmatli nasihatlari bugungi yoshlarning shakllanishida muhim rol o‘ynayotgani hamda ularning fidoyiligi va vatanparvarligi yuqori baholandi.
Ustoz va faxriy Ergash ota o‘z navbatida o‘quvchilarga chuqur minnatdorchilik bildirib, yoshlarga kelgusidagi o‘qish va Vatan himoyasi yo’lida tanlagan kasbni egallashlarida muvaffaqiyatlar tiladi.
