Joriy yilning 9-yanvar sanasida Sirdaryo akademik litseyi o‘quvchilari 21143-sonli harbiy qismga tashrif buyurib, harbiy qismining kundalik hayoti va faoliyati bilan yaqindan tanishdilar.
Tashrif davomida o‘quvchilarga harbiy xizmatchilar uchun yaratilgan shart-sharoitlar, ularga biriktirilgan qurol-aslahalar, shuningdek, harbiy qismning moddiy-texnik bazasi haqida batafsil ma’lumot berildi.
O‘quvchilar o‘zlarini qiziqtirgan savollarga harbiy qism mutaxassislari tomonidan atroflicha javob oldilar.
Ushbu tashrif yoshlarga nafaqat harbiy xizmatning ahamiyati va mas’uliyati haqida tushuncha berdi, balki ularda Vatan himoyachilariga bo‘lgan hurmat va qiziqishni yanada oshirishga xizmat qiladi.
