“14-yanvar — Vatan himoyachilari kuni” arafasida IIV Sirdaryo akademik litseyida Viloyat IIB JXX YHXB xodimlari bilan uchrashuv tashkil etildi. Tadbirda litsey o‘quvchilari va IIV xodimlari o‘rtasida o‘zaro hamkorlikni mustahkamlash, yoshlarni qonuniy ong va mas’uliyat ruhida tarbiyalash maqsadida muhim suhbatlar bo‘lib o‘tdi.
Uchrashuvda JXX YHXB xodimlari o‘quvchilarga yo‘l harakati xavfsizligi, haydovchilar uchun belgilangan qoidalar va jamoat xavfsizligini ta’minlash bo‘yicha amalga oshirilayotgan ishlarga oid batafsil ma’lumotlar taqdim etdilar. Shuningdek, tadbir davomida o‘quvchilarga yo‘l harakati qoidalarini to‘g‘ri bilish va ularga amal qilishning ahamiyati, xavfsizlikni ta’minlash yo‘lida har bir fuqaroning mas’uliyati haqida tushunchalar berildi.
Uchrashuv yakunida o‘quvchilar soha vakillaridan o‘zlarini qiziqtirgan masalalar yuzasidan savollariga javob olish imkoniyatiga ega bo’ldilar.
