Joriy yilning 11-yanvar kuni IIV Sirdaryo akademik litseyi “Tillar” kafedrasi ingliz tili fani o‘qituvchisi Tursunboyev Jamol tomonidan litseyning 102-guruhida “Developing Listening, Reading, Writing, and Speaking” mavzusida ochiq dars o‘tkazildi.
Dars jarayonida zamonaviy pedagogik texnologiyalar va innovatsion o‘qitish usullari keng qo‘llanilib, mashg‘ulot yuqori darajada tashkil etildi. Xususan, tinglash (listening) ko‘nikmalarini rivojlantirish uchun “Immersive Learning Approach” va “Input Hypothesis” kabi zamonaviy yondashuvlar, gapirish (speaking) ko‘nikmalarini shakllantirishda esa “Task-Based Language Learning”, “Audio-Lingual Method” va “Direct Method” kabi samarali usullardan foydalanganligi diqqatga sazovor bo‘ldi.
Ushbu ochiq dars o‘quvchilarga yangi bilimlar va ko‘nikmalarni o‘zlashtirish imkonini yaratdi, shuningdek, chet tilini o‘rganishga bo‘lgan motivatsiyalarini kuchaytirishga muhim hissa qo‘shdi.
